UÇPMB tani do të qëndrojë para ndërtesës së administratës në Preshevë

Dëshmorët e UÇPMB-së në këtë 100 vjetor të Pavarësisë janë vendosur në hyrje të ndërtesës së administratës lokale në Preshevë, vend të cilin e kanë më se të merituar

Pllaka përkujtimore me emrat e dëshmorëve të UÇPMB-së do të qëndrojë në qendër të Preshevës, aty ku çdo kush mund të shoh emrat e atyre që ranë për lirinë e trojeve shqiptare.

Në këtë pllakë përkujtimore janë të shënuara 27 emra të dëshmorëve të kombit që ranë në luftën e UÇPMB-së.

Zbulimin e pllakës përkujtimore e bëri kryetari i Komunës së Preshevës Ragmi Mustafa me prindin e dëshmorit Ibrahim Kelmendi dhe të shoqatës humanitare Lugina e Preshevës.

Në këtë solemnitet përveç përfaqësuesve institucional nga Presheva, mori pjesë edhe kryetari i Organizatës së Veteranëve të të UÇPMB-së me seli në Bujanoc, Edmond Isufi.

Për këtë ditë të veçantë u organizua edhe një program me poezi, ndërsa të pranishmit morën pjesë edhe në koktejin e shtruar./Titulli.com/