UBT shpreh ngushëllime për ndarjen nga jeta të Prof. Dr. Faton Kabashit

Me pikëllim të thellë morëm lajmin për ndarjen nga jeta të Prof. Dr. Faton Kabashit, një intelektual dhe mësimdhënës i përkushtuar, i cili për vite me radhë ka kontribuar në edukimin e brezave të rinj.

Rektori i UBT-së, Prof. Dr. Edmond Hajrizi, në emër të institucionit, ka dërguar një telegram ngushëllimi familjes Kabashi, duke vlerësuar lart kontributin e tij në fushën e arsimit dhe frymën e tij humane e profesionale.

“Me dhimbje të madhe morëm lajmin për ndarjen nga jeta të Prof. Dr. Faton Kabashit. Ai do të kujtohet për përkushtimin, profesionalizmin dhe dashurinë ndaj dijes, si dhe për ndikimin e tij pozitiv te studentët e kolegët. Vepra dhe kontributi i tij në fushën e arsimit do të mbeten përherë pjesë e kujtesës sonë kolektive”, u shpreh Rektori Hajrizi.

UBT i shpreh ngushëllimet më të sinqerta familjes Kabashi, kolegëve, miqve dhe të gjithë atyre që e njohën dhe e vlerësuan Prof. Dr. Fatonin për vlerat e tij të larta profesionale e njerëzore. Kujtimi i tij do të jetojë me respekt dhe mirënjohje të përhershme.

Prehu në paqe, Profesor Faton Kabashi.