UBT nderon kontributin e SHBA-ve dhe shoqatës “Miqtë e Amerikës

Për nder të 10-vjetorit të Pavarësisë së Kosovës, rektori i UBT-së, Edmond Hajrizi, ngriti flamurin e ri të SHBA-së afër shtatores së ish-presidentit të SHBA-ve, Bill Klinton, për të nderuar këtë aleat dhe mbështetës të fuqishëm të Kosovës në rrugën liri e pavarësi, si dhe për të shprehur falënderim për partnerin strategjik të UBT-së, shoqatën “Miqtë e Amerikës”, në 14-vjetorin e themelimit të saj.

Për të treguar konsideratën e ndërsjellë për UBT-në, kryetari i kësaj shoqate, Agim Rexhepi, së bashku me bashkëpunëtorët e tij, ia dhuroi emblemën e shoqatës rektorit Hajrizi, në shenjë falënderimi për mbështetjen dhe bashkëpunimin përgjatë këtyre viteve.

Hajrizi tha se një dhuratë e tillë është shumë simbolike në krahasim me atë që SHBA ka bërë për shtetin tonë.
“SHBA ka qenë vazhdimisht aleati ynë më i fuqishëm strategjik dhe këtë e ka dëshmuar përmes përkrahjes së ofruar në çdo proces të rëndësishëm nëpër të cilin ka kaluar Kosova”, tha ai, duke e vënë në pah falënderimin që kosovarët e ndjejnë për amerikanët dhe vendin e tyre.

Me rastin e kësaj feste mbarëkombëtare, UBT, në krye me rektorin Hajrizi, ka vendosur që të ndajë dhurata modeste për mediumet informative, organizatat dhe personalitetet e shumta, që kanë dhënë kontribut në realizimin e kauzës kombëtare për krijimin e shtetit të Kosovës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).