UBT-ja vazhdon bashkëpunimin me universitete dhe institute të shtetit gjerman

Prishtinë – Presidenti i UBT-së, Edmond Hajrizi, gjatë qëndrimit të tij dy javor, në vazhdën e aktiviteteve të shumta që zhvilloi në Republikën e Gjermanisë, me ftesë të Universitetit të Aachen-it, ka vizituar edhe këtë universitet.

Gjatë vizitës Hajrizi, u prit dhe u takua nga menaxhmenti më i rëndësishëm i Universitetit të Aachen-it dhe Institucioneve përreth, si nga rektorati, Qendra për Transferimin e Teknologjisë, Qendra për Ndërmarrësi, fakultete, institute, nga kompania “Spin off”, Qendra Rajonale për Zhvillim, kompani konsulente etj,

Gjatë këtyre takimeve Hajrizi, kryesisht ka biseduar për transferin e dijes nga universiteti në shoqëri.

“Vizita një javorë në RËTH Aachen shërbeu si një mundësi shumë e mirë për UBT për shkëmbimin e eksperiencave dhe mundësive të bashkëpunimit të mëtejshëm ndërmjet RËTH dhe UBT”, tha presidenti i UBT-se.

Hajrizi shtoi se si rezultat i këtij takimi UBT-së i është ofruar: mbështetje dhe bashkëpunim në fushën e hulumtimeve të përbashkëta, regjistrim në programet e doktoratës për stafin dhe studentët e UBT-së, realizimi i praktikave në firmat gjermane, punimi i diplomave me mentor nga RËTH Aachen, aplikimi në projekte të përbashkëta për hulumtim dhe zhvillim në të gjitha nivelet e mundshme, realizimin e një benchmark-u ndërmjet RWTH Aachen dhe UBT, mbajtja e ligjëratave të përbashkëta, bashkëpunim mes qendrave për transferim të teknologjisë dhe ndërmarrësisë etj.

Kontribut të jashtëzakonshëm në hartimin e këtij programi bashkëpunimi ka dhënë dr. Dietriech Brandt, një bashkëpunëtor i rëndësishëm nga ky Universitet, i cili ka qenë dhe iniciatori i shumë nga formave të parashikuara të bashkëpunimit

Universiteti RWTH Aachen është pjesë e “Iniciativës për ekselencë” dhe renditet si një ndër universitetet më të mira në Republikën Federale të Gjermanisë./rajonipress/