UBT e ASHSH, organizatore të Konferencës Shkencore Ndërkombëtare

UBT, si institucion i arsimit të lartë në Kosovë, bashkë me Akademinë e Shkencave të Shqipërisë (ASHSH) ka organizuar Konferencën e 7-të Ndërkombëtare dyditore, temë bosht e së cilës është: “Information Systems and Technology Innovations: the New Paradigm for a Smarter Economy”.

Konferenca i ka hapur punimet të premten, ndërsa po marrin pjesë 240 autorë nga shtetet rajonale, evropiane e më gjerë, si: Amerika, Gjermania, Italia, Austria, Norvegjia, Rumani, Kroacia, Suedi, Franca, Turqia, Luksemburgu, Serbia, Maqedonia etj.

Rektori i UBT-së, Edmond Hajrizi, njëkohësisht është edhe anëtar i Këshillit Shkencor, ndërsa paraqitet me kumtesën: “KOSTT’s Entrance In Telecommunication Market”. Konferenca është e organizuar në 6 sesione dhe trajton tema të ndryshme, që lidhen me temën bazë. Në hapje, kryetarja e KO të Konferencës, Kozeta Sevrani, ka falënderuar ASHSH-në e UBT-në që e kanë mundësuar organizmin e një konference të tillë.

Në kuadër të Konferencës, nga Universiteti i Tiranës – Departamenti i Statistikave dhe Informatikës së Aplikuar, është organizuar edhe workshop ndërkombëtar, në të cilin rektori Hajrizi ka folur për Modelimin dhe Simulacionin./rajonipress/