UBT do t’i krijojë mbi 20 mijë mësime mbi platformën AVR të EON Reality

UBT edhe një hap para, drejt edukimit në distancë, duke krijuar mbi 20 mijë mësime online mbi platformën Virtual Reality gjatë muajit të ardhshëm.

Plani mësimor në distancë, sipas kësaj platforme, do të përfshijë 20 mijë mësime për mbi 20 programe të studimit, përfshirë të gjitha fushat e studimit si; kujdesin shëndetësor, inxhinierinë, dizajnin, arkitekturën, inxhinierinë e Energjisë, etj.

Një nismë të tillë e ka përshëndetur edhe presidenti i gjigandit teknologjik “EON Reality”, Dan Lejerskar. Ai në një postim të tij në Linkedin, ka vlerësuar se ky lajm është një transformim fillestar në thyerjen e kufijve të klasave fizike.

“Universiteti për Biznes dhe Teknologji në Kosovë do të krijojë 20,000 mësime mbi Platformën AVR të EON Reality në 30 ditët e ardhshme. Kjo formon kornizën e planit mësimor në distancë dhe që përfshin mbi 20 programe të tilla, si kujdesi shëndetësor, inxhinieria, dizajni dhe arkitektura. Do të jetë një transformim thelbësor në heqjen e kufijve fizikë të klasave mësimore!”, thuhet në postimin e presidentit të EON Reality, Dan Lejerskar.

Për të lexuar postimin e plotë kushtuar bashkëpunimit mes UBT-së dhe EON Reality, klinkoni në linkun:
https://www.linkedin.com/posts/danlejerskar_university-for-business-and-technology-to-activity-6653220799618646017-vltO