U vu gurë themeli i shkollës në fshatin Sadovinë e Çerkezëve

Viti – Kryetari i Komunës së Vitisë, Sokol Haliti me bashkëpunëtor dhe banorë të fshatit Sadovinë e Çerkezëve kanë vënë gurë themelin e ndërtimit të shkollës së re në këtë fshat.

Me këtë rast Haliti tha se ndërtimi i kësaj shkolle është dashur të filloj më parë .“Edhe pse jemi vonuar dhe atë pa fajin tonë në fillimin e punimeve rreth ndërtimit të kësaj shkolle që është dashur të filloj para katërdhjetë ditëve, por megjithatë ja arritëm pasi që e drejta ka qenë në anën tonë dhe atë pas verifikimeve që është bërë nga niveli qendror” u shpreh Haliti.

Ndërkaq ai theksoi se shpreson se punët rreth këtij objekti do të përfundohen në afatin e paraparë duke kërkuar nga punëkryesit që të kryen punët me përkushtim në ndërtimin e këtij institucioni shkollor.

Përndryshe ndërtimi i shkollës në fshatin Sadovin e Çerkezëve kap vlerën e 102.659.00€ dhe financohet nga grandi qeveritar./rajonipress/