U protestua në Cyrih me moton “Mërgata është me Shkupin”

Thirrjes për të protestuar në Cyrih, të bërë nëpërmjet facebook-ut dhe rrjeteve tjera sociale kundër vendimit për dënimin me burgim të përjetshëm të gjashtë shqiptarëve për rastin e quajtur “Monstra”, i janë përgjigjur një numër shqiptarësh në Zvicër.

Në mënyrë spontane shqiptarët ishin mbledhur në Cyrih në Helvetiaplatz nga ora 19.00.

“Si shqiptar dhe njohës i mirë i strukturave të një shteti demokratik është obligim i im moral të përkrah kombin tim në vendlindje që sado kudo të kontriboj në mënyre aktive për përshpejtimin e proceseve demokratike edhe në Maqedoni. Qeveria e Shkupit duhet të kuptoj që shqiptarët janë një element kyq dhe shtetëformues.”, ka thënë për albinfo.ch Enver Osmani, politikan me origjinë nga Gostivari.

Protesta e thirrur për të premten me 11 korrik në Cyrih, është bërë me moton „Mërgata është me Shkupin“,ndërsa parulla tjetër ishte “Stop proceseve të montuara gjyqësore“, „Stop diskriminimit të shqiptarëve të Maqedonisë“ etj.

Raportohet se protesta në Cyrih kaloi e qetë./albinfo/