U angazhuan 11 lojtarë shqiptarë, nuk shënuan asnjë gol

Ne javën e dytë te superligës zvicerane u aktivizuan gjithsej 11 futbollistë shqiptarë. 4 prej tyre luajtën gjatë 90 minutave e të tjerët ia filluan ndeshjes e u zëvendësuan më vonë apo u futën në lojë gjatë ndeshjes. Dy futbollistë shqiptarë u ndëshkuan me karton të verdhë (Taulant Xhaka dhe Kristian Nushi).

Këtë javë asnjëri nga lojtarët shqiptarë nuk shënuan për klubet e tyre. Në pesë ndeshjet e javës së dytë të superligës u shënuan 17 gola e u ndëshkuan 30 futbollistë me karton të verdhë. Karton të kuq nuk pati në asnjë ndeshje.

FC.Grasshoper– FC Basel 1 : 1

Ne ndeshjen derbi të kësaj jave ku u takuan nënkampioni dhe kampioni në fuqi, të dy ekipet shënuan nga një gol duke i ndarë kështu së bashku edhe pikët.

Për skuadrën vendëse nga futbollistët shqiptarë Amir Abrashi luajti gjatë 90 minutave e Shkëlzen Gashi luajti nga fillimi e deri ne minutën e 85.

Për ekipin mysafir Taulant Xhaka u aktivizua nga minuta e 37 duke u ndëshkuar me karton te verdhë në minutën 52. Në këtë ndeshje u ndanë 5 kartonë të verdhë, dy për vendës e tre për mysafirët.

FC Aarau–FC Luzern 4 : 2

Në këtë ndeshje u shënuan më së shumti gola dhe njëherësh u ndëshkuan më së shumti futbollistë. U ndanë 8 kartonë të verdhë, nga 4 për të dy ekipet. Nga futbollistët shqiptarë u aktivizua vetëm Jahmir Hyka nga minuta e 64 për skuadrën e Luzernit.

FC Thun – St. Gallen 3 : 2

Në këtë ndeshje për ekipin vendës si rezervistë në pjesën e dytë u futën në lojë Berat Sadiku nga minuta e 66 dhe Edmond Lekaj nga minuta e 79. Në anën tjetër këta futbollistë kishin përballë dyshen tjetër shqiptare, Ermir Lenjani i cili luajti tërë ndeshjen dhe Kristian Nushi i cili e filloi ndeshjen për tu zëvendësuar në minutën e 72. Nushi u ndëshkua me karton të verdhë në minutën e 62. Ne këtë ndeshje u ndëshkuan dy futbollistë vendës e pesë mysafirë.

FC. Sion –FC Zürich 0 : 0

Futbollisti shqiptar Beg Ferati për vendës dhe Berat Xhimshiti për mysafirët të cilët luajtën nga fillimi e tërë ndeshjen, i ndanë pikët me rezultat të bardhë. Për skuadrën vendëse nga minuta e 88 u aktivizua edhe Vullnet Basha. U ndanë 4 kartonë për vendës dhe dy për mysafirë.

FC Lausanne Sport – Young Boys 1 : 3

Në ndeshjen ku u ndanë 4 kartonë, tre për vendës e një për mysafir, në të vetmen ndeshje ku shënuan fitore mysafirët , nuk u aktivizua asnjë futbollist shqiptar./albinfo/