Tymtari që ndot ambientin…

Në hapësirat e Shtëpisë së Shëndetit “Presheva” në Preshevë, gjendet ngrohtorja që ngrohë këtë institucion shëndetësor, e që nga tymi i saj ndotet seriozisht kjo pjesë e qytetit.

Në këtë pjesë, kudo kundërmon erë e pakëndshme të qymyrit të djegur, që del nga oxhaku i lartë dhe i gjerë.

Po ashtu, përpos këtij institucioni që ballafaqohet çdo ditë me këtë tym janë edhe shtëpia e kulturës “Abdulla Krashnica” dhe Biblioteka e Qytetit “Mehmet Jusufi”, të cilat drejtpërdrejtë kanë qasje me këtë, që e dëmton edhe shëndetin e njerëzve.

Kjo ngrohtore pushon së funksionuari vetëm në stinën e verës, ndërsa ky tym shihet çdo ditë në stinën e vjeshtës dhe të dimrit, kur ka nevojë të dhezet.

Duhet që në të ardhmen të punojnë organet kompetente që të eliminohet ky tym që e ndotë seriozisht ambientin tonë…/bilall maliqi/