Tusk ia kujton Hotit dialogun me Serbinë

Kryeministri Avdullah Hoti, sot ka marrë një letër urimi nga presidenti i Partive Popullore Evropiane (EPP), Donald Tusk, i cili e uroi atw për marrjen e detyrës në krye të qeverisë së Kosovës, shkruan “Zeri.info”.

“Me kënaqësi të madhe ju uroj që jeni bërë kryeministër i Kosovës në fillim të këtij muaji. Emërimi juaj vjen në një kohë kur Kosova po përballet me sfida të mëdha: pandemia COVID-19, pasojat e saj ekonomike dhe sociale të lidhura me atë dhe nevoja urgjente për pajtim politik në rajon me qëllim të arritjes së një stabiliteti më të madh për tërë Evropën”, thuhet në letrën e Tusk.

Me anë të kësaj letre, Tusk u shpreh i bindur se LDK-ja do të udhëzohet nga vlerat e EPP-së dhe se parimet e sundimit të ligjit, pavarësia e gjyqësorit dhe lufta kundër korrupsionit do të jenë të larta në agjendën e Qeverisë Hoti.

“Dialogu me Beogradin gjithashtu duhet të rifillohet me energji të re: me të vërtetë, duket se tani është një moment i ri për këtë”, theksohet ne letër./Zëri