Turne integrues i shahut në Vjenë
RajoniPress
23:19, 4 Shkurt, 2018
Vjenë – Nën patronatin e Federatës së Shahut të Vjenës, në ambientet e këtij institucioni u organizua një turne integrues i shahut në të cilin morën pjesë edhe disa shahistë nga klubi shqiptar i shahut “Arbëria” me seli në Vjenë. Ky aktivitet kishte për qëllim mbështetjen e përpjekjeve që po bën shteti dhe shoqëria austriake për integrimin e refugjatëve të cilët viteve të fundit kanë gjetur strehë dhe shpëtim në këtë shtet mik të shqiptarëve.
Fillimisht, në emër të klubit “Arbëria” pjesëmarrësit i përshëndeti sekretari Anton Marku, Më pas të pranishmëve ju drejtua Hanna Wehbeh, jurist nga Siria dhe njëkohësisht edhe shahist i klubit “Arbëria”, i cili, ndër të tjera, nënvizoi rëndësinë e kyçjes së të huajve në jetën kulturore dhe sportive në Austri si dhe vlerësoi lartë pjesëmarrjen e shahistëve shqiptarë në këtë turne, të cilët në fund fituan dy nga tre vendet e para.
Në turne morën pjesë 26 shahistë nga disa shtete, si Austria, Shqipëria, Kosova, Siria, Libani Iraku dhe Filipinet.. Lojërat u zhvilluan me sistemin zviceran në shtatë raunde. Për shahistët më të suksesshëm u ndanë kupa dhe mirënjohje.
Gjyqtar e turneut ishte i përzgjedhur nga Federata e Shahut e Vjenës.
Renditja përfundimtare: pikë
1. Gregor Neff 6
2. Fatos Krasniqi 6
3. Agron Çika 5
4. Sokol Çekani 5
5. Anton Marku 4 ½
6. Astrit Zenuni 4 ½
7. Masad Thani 4 ½
8. Jan Andrew Alvarico 4
9. Haxhi Zenuni 4
10. Jahjah Zaour 4
11. Hanna Wehba 4
12. Saaed Almohamed 3½
13. Maan Slibi 3 ½
14. Khadjiq Bekmessian 3
15. Hasam Wehba 3
16. Basel Alhelibi 3
17. Nizer Alkurdi 3
18. Labin Wehba 3
19. Yousef Alkurdi 2
20. Rabie Tarboush 2
21. Mathias El-Far 2
22. Mardik Toutlian 2
23. Mohammed Salihh 1 ½
24. Mohanad Alnedawe 1
25. Anas El Hanouni 1
26. AymanMhamad Esmaeel 0
Përndryshe, klubi shqiptar i shahut “Arbëria” (www.arberia.at) këtë vit, si dhe dy vitet e kaluar, garon me dy ekipe në Federatën së Shahut të Vjenës./rajonipress/
