Turizmi i Novobërdës pret ndihmat e të huajve

Dhomat e fjetjes mbi drunj`, muzeun në miniaturë me gjëra të vjetra familjare dhe produktet e ndryshme ushqimore të fshatit, familja Bunjaku nga Novobërda nuk i ka vetëm për vete.

Ata presin në secilin sezon turistë vendas e të huaj që duan të shijojnë natyrën e Novobërdës bashkë me ushqimet tradicionale të këtij fshati në lindje të Kosovës.

Xhemajl Bunjaku, dukej i qeshur e fjalëplot. Kryefamiljari është çdo herë i gatshëm për të shoqëruar mysafirët me ushqimin e freskët, për të cilin familja punon çdo ditë. Nuk mungon as rakia e shtëpisë që ai e punon vet.

Të tilla shërbime, ata ofrojnë tash e tetë vjet, kur Mbretëria Holandeze kishte nisur të ndihmonte turizmin rural në Novobërdë.