Tuna: Unë besoj, Shqipëria në botëror

Superylli shqiptar i pop muzikës, Tuna, ka tentuar të motivojë ekipin kombëtar të futbollit para ndeshjes vendimtare ndaj Sllovenisë që zhvillohet sonte mbrëma.

Ekipi kombëtar sonte mbrëma me fillim nga ora 20:30 luan ndaj Sllovenisë në ndeshjen që do të jetë vendimtare për ëndrrën drejt Botërorit.

Dhe Tuna, e cila duket se mezi e pret këtë ndeshje futbollit pas një turneu të jashtëzakonshëm që ajo ka pasur gjatë verës, ka shfrytëzuar llogarinë e saj në Facebook, për të përkrahur djemt.

“Unë besoj. Shqipëria në Botëror”, shkruan Tuna në Facebook ku ka bashkangjitur dhe një foto të ekipit kombëtar.

Bukuroshja bjonde ka qenë artistja më e kërkuar gjatë kësaj vere. Siç transmeton telegrafi, ajo pos tjerash e theu ditë më parë rekordin për klikimet në muzikën moderne shqiptare duke arritur shifrën e 10 milionë klikimeve te kënga hit “Fenix”.