Tuna – e kuruar deri në detaje, vjen mahnitëse në imazhet e fundit

Këngëtarja Tuna Sejdiu këtë vit ka qenë jo-aktive në muzikë, dhe krejt kjo për shkak se këtë vit ajo ka marrë dhuratën më të mirë që mund t’i bëjë jeta: është bërë nënë për herë të parë.

Megjithëse ka mungesë në publikimin e projekteve të reja, Tuna vazhdon të jetë aktive për publikun dhe fansat e saj në rrjetet sociale.

Shpesh, ajo vendosë të ndajë me ndjekësit e saj imazhe që përkojnë me përditshmërinë e saj, veçanërisht Tianin e vogël ose Patrisin, që janë dy meshkujt që plotësojnë jetën e saj.

Së fundmi, Tuna ka realizuar një set të ri fotografik pas shumë kohësh, ku kësaj radhe vjen më e kuruar se asnjëherë tjetër, duke shkëlqyer me dukjen e kuruar deri në çdo imtësi.

Me një pamje joshëse dhe e veshur me stil, Tuna edhe këtë radhë tërhoqi vëmendjen e ndjekësve.

Këto fotografi ajo i ka publikuar në rrjetin social Instagram, ndërsa ka marrë mijëra pëlqime dhe komente nga ndjekësit e saj të shumtë. /Telegrafi/