Tuna, artistja e parë shqiptare me 100 mijë në Instagram!

Superylli shqiptar, Tuna, ka arritur të bëhet artistja e parë në industrinë e muzikës shqiptare që ka arritur 100 mijë ndjekës në Instagram. Rrejti social prej më të popullarizuarve kohëve të fundit ka hyrë në trend edhe për këngëtarët e artistët shqiptarë, të cilët postojnë fotografi nga koncertet dhe atë që bëjnë nga përditshmëria.

Instagrami ka eliminuar edhe nevojën për paparacë, apo fotografë që paguhen për të përcjellur VIP-at, sepse ata vet e shfrytëzojnë Instagramin dhe tregojnë atë që po bëjnë në kohë reale.

Duket se suksesi i fundit me klipin “MMV”, një projekt rekord me ikonën e hip hopit, Getoar Selimin, që ka ndikuar që Tuna të bëhet artistja e parë me 100 mijë ndjekës në Instagram.

Tuna pas vetes menjëherë e ka Elvana Gjatën e cila ka 95 mijë ndjekës në Instagram dhe me një fjalë po zhvillohet një konkurrencë dhëmbë më dhëmbë mes Elvanës dhe Tunës sa i përket Instagramit.

Pason Dafina Zeqiri me 87 mijë ndjekës në Instagram, e cila menjëherë pas vetes e ka Nora Istrefin me 68 mijë ndjekës në Instagram.

Mbetet të shihet çfarë do të ndodhë në të ardhmen, por një gjë është e sigurt – ngadal por sigurt gjërat po definohen në skenën e muzikës shqiptare dhe po qartësohen këngëtaret të cila luftojnë për kurorën e më të mirës dhe më të famshmes! /Telegrafi/