Trumpi për marrëveshjen Kosovë-Serbi: Po i ndalim vrasjet masive midis dy shteteve

Presidenti i SHBA-së, Donald Trump ka folur për marrëveshjen Kosovë-Serbi gjatë një tubimi zgjedhor presidenciale në shtetin e Karolinës Veriore.

Trump tha se administrata e tij është duke i ndalur “vrasjet masive” midis Kosovës dhe Serbisë.

“Po i ndalim vrasjet masive mes Kosovës dhe Serbisë. Ata janë duke u vrarë mes vete për aq shumë vjet. ’Ndalni vrasjet’, iu thashë. ‘Miq të bëhemi së bashku”, ka thënë Trumpi.

“E dini, këtë e kanë bërë për qindra vjet, sinqerisht, nën emra të ndryshëm”, ka thënë ai, teksa i është referuar nominimit të tij për Nobel të Paqes.

Ndryshe, pjesa e xhirimit ku ai flet për Kosovën është shpërndarë në Twitter.

Kosova dhe Serbia nënshkruan më 4 shtator në Uashington marrëveshjen për normalizim ekonomik, pas së cilës nesër pritet në rajon të arrijë një delegacion i shtetit amerikan, përfshirë emisarin special për dialogun Richard Grenell.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).