Tringë Smajli – heroina e Grudës (1880 – 02.11.1917 )

Nga Demir Krasniqi

Me shpirt t’ bardhë si bora e malit –
Po i këndoj një këngë Tringë Smajlit !
Tringa – heroina e Grudës ,
Mirë ia dinte rendin hutës !
Refreni:
Mori Tringë , moj flamurtare ,
Trimëreshë dhe luftëtare !
Flamurtarja e Malësisë –
Krenaria e gjithë Shqipërisë !
Le e rritë në djep të trimit –
Vajzë hasreti e Smajl Martinit !
Gruda ishte fisi i tij –
Në juglindje t’ Malit t’ Zi !
Smajl Martini , trimi i këtij venit –
Iu bashkua Lidhjes së Prizrenit !
E burgosen n’ Anadolli –
Nuk u kthye më i gjallë n’ Malësi !
Dy djemtë e Smajlit – vëllezërit e Tringës ,
Gjoni dhe Zefi – iu bashkuan Lidhjes !…
Që të dy këta vëllazëri –
E dhanë jetën për Shqipëri !
Kjo trimëreshë me zemër t’ gurit –
Mirë ia dinte vlerën Flamurit !
Kjo stërmbesë e Skënderbeut –
Mirë ia dinte vlerën Atdheut !
Tringa ishte luftëtare ,
Guerile vajzë shqiptare !
Luftoi kundër osmanlisë –
Në rajonin e Malësisë !
Edhe pas vdekjes së vëllazërive –
Tringa nuk iu nda trimërive !
Ajo u bë një virgjëreshë
E betuar – burrëreshë !…
U betua në nderë , në heshtje ,
Rroba t’ meshkujve mbante veshje ,
N’ shoqërinë shqiptare mos t’ pengojë –
Si një mashkull të jetojë !…
Tringa , luftës nuk iu frikësua –
Kryengritësve iu bashkua !
N’ Betejë t’ Deçiqit u dallua –
Për liri për të triumfua !
Tringa , s’i frikësohej vdekjes –
Mori pjesë n’ Memorandum t’ Greçës !
Kurrë s’ pushoi Tringa e Malësisë –
Deri n’ Pavarësi t’ Shqipërisë !
Tringa , herët ishte betua –
Kurrë në jetë nuk u martua !
Dhe nuk kishte as fëmijë ,
Nuk la pas trashëgimi !
Më 2 Nëntor 1917 –
Tringa e Smajlit ka ndërruar jetë !
U varros n’ tokë familjare –
Me traditat tona shqiptare !
N’ tokë t’ familjes në këtë trevë –
N’ male t’ Grudës , n’ fshatin Kshevë !
Fshati Kshevë , në këtë Malësi –
Sot ka mbet në Mal të Zi !
Dy vjet mbrapa kësaj vdekje –
Malazezët u lëshuan n’ përndjekje !
Ia shkatërruan varrin e sajë –
Hot e Grudë u mbushën vajë !
Tringë Smajli nga Ivezaj –
Do t’ kujtohet ndër shumë breza !
Bashkë me babë dhe dy vëllazëri –
U flijuan për Shqipëri !

Gjilan, më 11.12.2016 . Demir Krasniqi