Tri vite burg për Kujtim Hazirin

Gjilan – Gjykata Themelore në Gjilan ka dënuar me tri vite burgim Kujtim Hazirin për shkak se më 15 dhjetor 2011 në Stanishor së bashku me Nexhat Abdullahun i kanë zënë pritën Adem Shabanit nga Remniki i Vitisë të cilin e godasin në trup dhe i marrin portofolin, unazën e zinxhirët në vlerë të 2000 eurove.

Kryetari i trupit gjykues Afrim Shala pasi ka dëgjuar të gjitha seancat në rastin e Kujtim Hazirit e ka dënuar këtë të fundit me tri vite burg efektiv.

Sipas aktakuzës Kujtim Haziri së bashku me Nexhat Abdullahun më 15 dhjetor 2011 duke përdorur forcën dhe me qëllim që vetit t`i sjellin përfitime të kundërligjshme së bashku me Diellzën dhe Marigonën të cilat e kanë qitur në pritë Adem Shabanin , këtij të fundit i shkaktojnë dëmtime trupore dhe i vjedhin të gjitha gjësendet që ka pasur me vete si portofolin, unazat , zinxhirët në vlerë të 2000 eurove./rajonipress/