Tri poezi nga Demush Mehmeti
LUTJE MËNGJESI
Të falemi ty o Zot për mëngjesin si ky sot
Mbushur rreze me dëshira det
Bërthamë ngrohtësi jetë
Dhe t’ikurat mëngjese i kujtomë si sot
I pritnim plot shpresë
Na dhuronin dhimbje e lot
Ty i joni Zot që je lutemi për ditën e re
Ta dish ne jemi si ne
Ata mirë i njehë !…
PRRALLISJE KOTËSI
Na rrodhën lotët renditur si toptha numeratore
Në tokë ranë pëlcitën grimca kristale
Ende i numërojmë si i sapo nisurit fillorist
Kur kokëkrisja na e zbërthen filozofin
Zjarri gjuhe Grenlandën djeg
Akull shpirti Saharën ngrin
Hutohet hamendjet përrallisje kotësi!…
LULE GJAKU
Pranverë o ti shtrat behari stinë e gjallërisë
Virgjëri e larë në rreze dielli
Lajmëtare e së resë
Mbushje me aromë gjelbërimi
Ti o stinë zgjimi me taban hov rrite
Frymë ngritjesh kryengritjesh
Ti lule gjaku e rinis sime!