Tri legjenda – një Shqipëri

Nga Demir Krasniqi

Hej , ani si bylbylat , o, prej kafazit –
More, po i këndojmë , o, TRIO ZAJAZIT !
More, Bacë – Rexhepit , me djem të vet –
More, që kënduan për ne , shumë vjet !
Ani , kur këndonin TRIO ZAJAZI –
Ani , shuhej malli e shkrepte gazi !
Ani, me atë “ISON” kërçovare –
Ani, këngë e valle , o, mahitare !…

Hej, ani zëri i tij , o, vinte si fryma –
More , “Në bahçe , o, na ka ra bryma !”
More, mirë ia këndonte “Zullufet e Ajshes “,
More, mirë ia fshinte lotët prej faqes !
Ani , “Na pikuan gjethet e ullirit “ –
Ani, shpejt ia mbërrini , o, stina e Dimrit !
Ani , dheu i zi , o, Rexhën përbiri –
Ani, bora e bardhë , o, zërin ia ngriri !

Hej, ani këta bylbyla , o, kush na i thirri ?
More, n’ Elbasan , o, Isuf Myzyri !
More , shkoi Rexhepi , o, nga Kërçova ,
More, shkoi Qamili , o, nga Gjakova !…
Ani , formuan “TRION LEGJENDARE “ –
Ani, t’i këndojnë këngët , o, gjithë shqiptare !
Ani, u bashkuan në PËRJETËSI –
Ani, TRI LEGJENDA – NJË SHQIPËRI !