Tri aksidente trafiku në Anamoravë

Gjilan – Aksidentet që janë shkaktuar nga pakujdesia kanë ndodhur në Viti, Kamenicë e Gjilan.

Sipas njoftimit të policisë në Sllatinë e Poshtme, të Vitisë raportohet se një person i panjohur me veturën e tij nga pakujdesia ka goditur viktimën, femër kosovare e cila ishte duke e kaluar rrugën dhe është larguar nga vendi i ngjarjes. Viktima ka pësuar lëndime trupore, dhe pas marrjes së tretmanit mjekësor është liruar. Rasti nën hetime.

Edhe në rrugën “Skënderbeu” në Kamenicë ka ndodhur një aksident trafiku në mes të një veture dhe një këmbësori, si pasojë e aksidentit lëndime trupore ka pësuar drejtuesi i veturës dhe këmbësori, pas tretmanit mjekësor drejtuesi i veturës është liruar ndërsa këmbësori vazhdon trajtimin mjekësor në QKUK Prishtinë. Në lidhje me rastin është konsultuar prokurori i shtetit, rasti vazhdon të hetohet.

Kurse në rrugën “Zija Shemsiu” në Gjilan raportohet se personi i panjohur me veturën e tij nga pakujdesia ka goditur viktimën, femër kosovare e cila ishte duke e kaluar rrugën dhe është larguar nga vendi i ngjarjes. Viktima ka pësuar lëndime trupore, dhe pas marrjes së tretmanit mjekësor është liruar. Rasti nën hetime njoftoi policia e Kosovës./rajonipress/.