Tri aksidente trafiku në Anamoravë, në njërin rast vetura e policisë godet vajzën e mitur

Gjilan – Raportohet për një aksident trafiku në mes veturës së policisë dhe një të miture femër kosovare, e cila ishte duke drejtuar një trotinet.

Viktima është dërguar në qendrën emergjente në Gjilan për tretman mjekësor e me pas ka vazhduar tretmanin në spitalin e Gjilanit. Në lidhje me rastin është njoftuar prokurori dhe IPK-ja.

Po ashtu në Gjilan, raportohet se i dyshuari mashkull shtetas i Gjermanisë duke drejtuar automjetin nga pakujdesia ka goditur këmbësoren viktimën femër kosovare dhe si pasojë i ka shkaktuar lëndime trupore.

Viktima është dërguar për trajtim mjekësor, ndërsa i dyshuari është arrestuar dhe me vendim të prokurorit është dërguar në mbajtje.

Kurse në Viti, i dyshuari mashkull kosovar duke drejtuar automjetin dyshohet se nga pakujdesia ka humbur kontrollin mbi automjet duke përfunduar në një shtyllë elektrike. Si pasojë lëndime trupore ka pësuar një pasagjer mashkull kosovar i cili është dërguar në QKUK për tretman mjekësor njoftoi policia e Kosovës./rajonipress/