Eko Higjiena

Trepça’89 më e fort se Drita

/ 2 minuta lexim

Në javën e 17-të dhe të fundit të stinorit vjeshtor, në stadiumin “Riza Lushta” në Mitrovicë, skuadra e Trepçës’89 ka mposhtur me lehtësi Dritën me rezultat 3-1.

“Minatorët” gjithçka kanë kryer në pjesën e parë duke shënuar dy gola, duke e bërë pjesën e dytë më të vështirë për Dritën.

Vendësit në minutën e 4-të, kanë mundur të shënojnë shumë leht nëpërmjet Leart Eminin, por Gërbeshi i Dritës shpëton portën e tij.

Rast të mirë shënimi në minutën e 7-të, pati Emini i Dritës por nga afërsia nuk arrin ta dërgon topin në rrjet.

Leart Emini në minutën e 17-të, pasi pranon një top nga thellësia me lehtësi mposht Tofiloskin e Dritës.

Eco Higjiena

Ne sekondat e fundit të pjesës së parë, Cuculi i Dritës në vend ta dëbon topin jashtë portës së tij ai mposht portierin e tij duke ju krijuar vendësve epërsi prej 2-0.

“Minatorët” në fillim të pjesës së dytë në minutën e 51-të, nëpërmjet Jasharit me një gol të bukur arrijnë ta trefishojnë epërsinë në 3-0.

Braziliani Fortunato në minutën e 63-të, arrinë ta shënon golin e nderit për Dritën pasi me lehtësi mposht portierin Ardit Hysenin.

Trajneri i Dritës, Ardian Nuhiu pas ndeshjes ka deklaruar.
“E kemi ditur që do të jetë një ndeshje shumë e vështirë, nuk e kishim freskinë e duhur gjatë lojës, ndërsa për këtë humbje i marrë përgjegjësit vet”.

Pas 17-të javëve të zhvilluara skuadra e Dritës zë pozitën e tretë me 31 pik ndërsa kampion vjeshtor është Ballkani i Suharekës./rajonipress/