Trepça në veri shpërblen operatorët ilegalë serbë

Menaxhmenti i Ndërmarrjes Trepça në veri funksionon sikur të ishte në Serbi. Ky menaxhment ka shpërblyer kompanitë serbe për ofrimin e shërbimeve të ndryshme, duke u obliguar madje që të paguaj edhe TVSH-në sipas ligjeve të Serbisë.

Auditori i Përgjithshëm në raportin e tij ka konstatuar se kjo ndërmarrje ka kontraktuar operatorë të palicencuar në Kosovë. Trepça në veri ka kontratë me operatorë jolegalë për shërbime të telefonit, internetit dhe furnizimit me energji elektrike.

Për shpenzimet e energjisë elektrike Trepça veri faturohet nga kompania Elektrokosmet nga Serbia, por kjo kompani nuk ka licencë për operim në Kosovë (Tribuna).