“Tregu” në Gjilan me kërkesa speciale për Alban Hysenin

Gjilan – Nga data 03.12.2025, ne punëtorët e ndërmarrjes “Tregu” në Gjilan, jemi të detyruar të shpallim grevë tërditore.

Postimi i plotë:

Pavarësisht punës sonë të rregullt dhe korrektësisë profesionale, deri më sot nuk kemi marrë asnjë pagesë dhe asnjë sqarim të qartë nga përgjegjësit e ndërmarrjes.

Kjo situatë ka shkaktuar vështirësi të mëdha ekonomike për secilin prej nesh dhe është bërë e papërballueshme.

Për këto arsye, kërkojmë:

1. Pagesën e menjëhershme të pagave të prapambetura.

2. Sqarim dhe garanci të shkruara për rregullimin e pagesave në të ardhmen.

3. Respektimin e të drejtave të punëtorëve sipas kontratave dhe ligjit. Ne mbetemi të gatshëm të kthehemi në punë sapo të përmbushen detyrimet ndaj nesh dhe të vendoset transparencë e plotë për procesin e pagesave.

Me respekt, Punëtorët e ndërmarrjes “Tregu”, Gjilan