Tre të lënduar në rrugën Bujanoc – Gjilan

Në një aksident komunikacioni që ka ndodhur afër fshatit Turi të komunës së Bujanocit, janë lënduar dy fëmijë dhe një grua, njoftoi policia përmes një konference për shtyp.

Aksidenti ndodhi rreth orës 13h në rrugën regjionale Bujanoc – Gjilan, në afërsi të fshatit Turi, me ç’rast një veturë Opel Corsa me targa BU që drejtohej nga M.Sh. (38) për arsye që nuk dihen, doli nga rruga.

“Një fëmi ka marrë plagë të rënda dhe është dërguar për trajtim të menjëhershëm në Nish në qendrën e neuropsikiatrisë”, ka thënë gjatë një konference për gazetarë Goran Jovciq nga stacioni policor në Vranjë./Titulli.com/