Tre persona shoqërohen në polici në Viti, sekuestrohet marihuanë në tri raste të ndara

Viti – Policia e Kosovës ka njoftuar se gjatë mbrëmjes së 8 majit 2026, në rrugën “Kongresi i Manastirit” në Viti, janë evidentuar tri raste të ndara të posedimit të substancave narkotike, ku tre persona janë shoqëruar në stacionin policor për procedura të mëtejme.

Sipas raportit policor, rreth orës 20:00, gjatë kontrollit të një të dyshuari mashkull kosovar, policia ka gjetur dhe sekuestruar rreth 5.92 gramë substancë të dyshuar narkotike të llojit marihuanë. Me vendim të prokurorit, pas intervistimit, i dyshuari është liruar në procedurë të rregullt.

Në një rast tjetër, rreth orës 20:10, po në të njëjtën rrugë, një person tjetër është ndaluar pasi gjatë kontrollit policor iu gjetën rreth 1.91 gramë marihuanë. Edhe në këtë rast, pas intervistimit me urdhër të prokurorit, i dyshuari është liruar në procedurë të rregullt.

Po ashtu, në të njëjtën kohë dhe lokacion, policia ka shoqëruar edhe një person të tretë, tek i cili janë gjetur rreth 0.67 gramë substancë të dyshuar narkotike të llojit marihuanë.

Policia e Kosovës ka bërë të ditur se substancat e sekuestruara janë konfiskuar si dëshmi materiale, ndërsa rastet po trajtohen në koordinim me organet e drejtësisë./rajonipress/