Tre kolosët e arsimit kosovar, të pandarë edhe në pleqëri

Gjilan – Tre ish-profesorët universitarë nga Pograxha e Gjilanit, Xhafer Xhaferi, Nuhi Rexhepi dhe Fehmi Rexhepi, mbeten shembull i miqësisë së pastër dhe qëndrueshmërisë njerëzore. Edhe pse tashmë të pensionuar, ata vazhdojnë të takohen rregullisht për një kafe, një çaj dhe pak biseda miqësore, një ritual që ruan gjallërinë e shoqërisë së dikurshme. Atmosfera mes tyre është e jashtëzakonshme, mjafton një fotografi e përbashkët për ta kuptuar forcën e kësaj lidhjeje të vjetër.

Postimi i plotë i Xhafer Xhaferit:

“Na iku rinia dhe erdhi pleqëria, por e njëjtë mbeti shoqëria!

Pas një kohe, sërish bashkë me Nuhiun dhe Fehmiun për një kafe, çaj dhe pak llafe.

Takime të tilla me shokët e rinisë, e tani të pleqërisë, janë gjithmonë kënaqësi.

Një foto për të kujtuar edhe një ditë të bukur mes nesh.”