Tre javë pas këngës me Mozzik, Loredana ka gati projektin e ri dhe është bashkëpunim me një artist të njohur

Kohët e fundit Loredana ka qenë mjaft aktive me projekte të reja muzikorë dhe ai që bëri namin këtë verë ishte bashkëpunimi me Mozzik.

Ata sollën për publikun këngën me titull “Eiskalt” dhe ajo u prit mjaft mirë nga fansat shqiptarë dhe ata gjermanë. Në Youtube kënga numëron me mijëra klikime , megjithatë duket se Loredana nuk mjaftohet me kaq.

Së fundmi ajo ka publikuar në Instagram foto të pamjes në klipin e ri dhe ka zbuluar se ajo do të jetë bashkëpunim, por pa treguar emrin e këngëtarit.

Mbrëmjen e kaluar ajo ka hedhur një foto ku shkruan: “Loredana feat…”, dhe një lumë komentesh ka vërshuar.

Aludimet kanë qenë të shumta nga ana e tyre dhe burime për “Prive.al” kanë zbuluar se kënga e re e Loredanës do të jetë në bashkëpunim me Mero.

Klipi është drejt përfundimit dhe projekti pritet të publikohet së shpejti.

Mero është një artist i njohur në Gjermani, me origjinë turke dhe kohët e fundit është kthyer ndër këngëtarët më në zë.