Kosovari me pasaportë zvicerane, Xherdan Shaqiri, vlerësohet të jetë transferi më i madh i futbollistëve shqiptarë ne Evropë. Ai nga Baseli për një shumë prej 11 milionë franga, kaloi te gjiganti gjerman Bayern Munchen, duke u bërë kështu shqiptari i parë në Gjermani që luan në një skuadër kaq të madhe. Shaqiri përveç paraqitjeve të mira te Bayerni, po shkëlqen edhe në fanellën e përfaqësueses së Zvicrës.
Granit Xhaka – Transferi tjetër që llogaritet të jetë si më i madhi te futbollistët tanë, është ky i Granit Xhakës, i cili gjithashtu këtë afat kalimtar nga skuadra e Baselit kaloi te Borusssia Munchengladbach në Bundesligë. Xhaka ndonëse në ndeshjet e fundit kishte një minutazh paksa më të vogël, gjithsesi është njëri nga futbollistët më të përfolur në këtë skuadër. Ai gjatë vizitës që i bëri FC Prishtinës, ka premtuar se në vitin 2013 do të shohin një Granit shumë të fortë dhe cilësor.
Transferet e dështuara
Lorik Cana – Edhe pse është futbollisti më i madh shqiptar, kapiteni i kombëtares së Shqipërisë, mendohet se ka bërë lëvizjen më të gabuar, kur vendosi që nga Gallatasaray të trnsferohet tek Lazio në Serie A. Cana, te skuadra nga kryeqyteti i Italisë ka një minutazh shumë të vogël, duke bërë kështu që ai seriozisht të mendojë largimin. Gjithsesi, vlerat e këtij lojtari dihen, kështu që interesimi për të nga shumë klube të mëdha nuk mungon.
Admir Mehmeti – Ndonëse transferimi i tij bëri bujë, gjithsesi ky doli të jetë i gabuar. Admir Mehmeti nga Zurichu kaloi te kampioni i madh ukranias Dinamo Kiev, mirëpo që nuk pati mundësi t’i tregojë vlerat e veta, pasi që kishte minutazh të vogël. Mehmeti përgjatë gjithë sezonit, pothuajse qëndroi në bankë, duke bërë që ai seriozisht të mendojë largimin nga kryeqyteti ukranias.
