Trajnim me punëtorët shëndetësor për dhunën në familje

Gjilan – UNFPA si njëri ndër agjensionet e OKB-së në Kosovë (UNDP, UN Women, UNICEF dhe OHCHR) në kuadër të Programit të Përbashkët kundër Dhunës në Familje që po zbatohet në Gjilan që nga viti 2012, gjatë dy ditëve ka mbajtur trajnim në Gjilan me punëtorët shëndetësor që vijnë nga Qendrat e Mjekësisë Familjare.

Pjesëmarrës në trajnim ishin të përfshirë mjekët familjar, infermieret dhe mjekët emergjent. Tema e trajnimit kishte të bënte me identifikimin, trajtimin dhe referimin e rasteve të dhunës në familje.

Për këtë trajnim ishte shfaqur një interesim jashtëzakonisht i madh i punëtorëve shëndetësor duke ditur pasojat që ka ky fenomen për një shoqëri.

Bashkëpjesëmarrës në trajnim ishte Qendra e Zhvillimit të Vazhdueshëm Profesional e Ministrisë së Shëndetësisë. Pas trajnimit pjesëmarrësit janë pajisur me certifikata./rajonipress/