Trajneri turk mendon që Muriqi është i pjekur të luajë në Itali

Vedat Muriqi gjithnjë e më shumë është afër transferimit të tij në Lazio të Italisë

Tashmë disa media kalimin e Muriqit në Lazio e kanë konfirmuar disa media por ende asgjë nuk ka zyrtare.

Megjithatë, në një intervistë për mediat turke trajneri i Basaksehir, Okan Buruk, ka thënë se kosovari tashmë është i pjekur për të luajtur në Itali.

“Muriqi e meriton një kalim në Itali”, ka thënë ai për një media turke.

Buruk ka thënë se e njeh mirë lojtarin, pasi që e ka pasur disa herë kundërshtar.

”Në Turqi ai është më i miri edhe pse disa vjet më parë nuk prisnim shumë prej tij. Ai meriton kapërcimin e madh në karrierë tek një klub italian. Karakteristika e tij më e mirë është loja në ajër dhe shpirti i sakrificës”, tha Okan Buruk, trajner i Basaksehir.

Gazetari i famshëm Alfredo Pedulla tha sot se transferimi i Muriqit në Lazio është një punë e kryer dhe se zyrtarizimi i tij pritet të bëhet në javën e ardhshme. /GazetaExpress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).