Trajneri i Werderit: Do ta ndërtoj ekipin rreth Rashicës

Reprezentuesi kosovar, Milot Rashica shkëlqeu në edicionin e kaluar me Werder Bremenin, duke realizuar 8 gola në Bundesligë, transmeton zeri.info

Trajneri i Werder Bremenit, Florian Kohfeldt ka folur për gazetën “Bild” për edicionin e ri, derisa thuri lavde për Rashicën.

“Kur Rashica merr topin, tani lojtarët kundërshtarë e kanë frikë. Kjo gjë është shumë e rëndësishme për Werderin tim, pasi ai merr me vete dy futbollistë dhe kjo gjë i shërben skuadrës”, u shpreh Kohfeldt.

“Për mua, ai është i vlefshëm sa një gol në fushën e lojës. Në sezonin e ri, uroj që të përsërisë gjysmën e dytë të sezonit të shkuar. Max Kruse? Do ta ndërtoj ekipin rreth Rashicës, ai është çelësi i Werderit tim”, përfundoi trajneri./Zëri