Trajneri i ri i Stoke Cityt e përshkruan Shaqirin si futbollist të jashtëzakonshëm

Ylli shqiptar, Xherdan Shaqiri, i ka lënë mbresa të jashtëzakonshme trajnerit të ri të Stoke Cityt.

Paul Lambert e ka përshkruar futbollistin shqiptar si “klasë tjetër” dhe ka treguar se disa prej veprimeve që Shaqiri bën në ushtrime e kanë lënë të shtangur, transmeton Albinfo.ch.

Shaqiri sivjet është padyshim lideri i klubit anglez me katër gola dhe gjashtë asistime deri tani në Premier Ligë.

“Është mirë kur shihni teksa performojnë lojtarët tuaj. E shoh Shaqirin në ushtrime dhe mendoj ‘oh zot, ai është klasë tjetër. Lojtar i duhur. Ai duket se është në majë të lojës së tij. Ai është goxha një lojtar”, ka thënë Lambert për “StokeSentinel”.

Shaqiri ishte i plotë në barazimin e së mërkurës me Watfordin 0 me 0. Skuadra e tij tani është në pozitën e 16-të në tabelë me 24 pikë pas 25 ndeshjeve. Me trajnerin e ri, Stoke në dy ndeshjet e fundit s’di për humbje.

http://www.albinfo.ch/trajneri-ri-stoke-cityt-e-pershkruan-shaqirin-si-futbollist-te-jashtezakonshem/