Trajneri i KK “Agim Ramadani”, Shkëlzen Balaj, zgjidhet nënkryetar i Federatës së Karatesë së Kosovës

Në Kuvendin e jashtëzakonshëm të Federatës së Karatesë së Kosovës, është bërë përzgjedhja e strukturave të reja të kësaj federate. Nën monitorimin MKRS e KOK dhe të delegatve, besimi për kryetar i është dhënën Besart Barutit, ndërsa nënkryetar është zgjedhur Shkëlzen Balaj e Ismajl Fazliu.

Poashtu, në këtë Kuvend të Jashtëzakonshëm janë përzgjedhur të gjitha strukturat udhëheqëse të kësaj federate.

Nënkryetari i ri i zgjedhur, nga Klubi i Karatesë “Agim Ramadani” nga Gjilani, Shkëlzen Balaj, i cili ka një karrierë të pasur plot 33 vite merret me karate, dhe tani e 15 vite ushtron zejen e trajnerit, ka bërë të ditur se në Federatën e Karatesë së Kosovës, po hapet një kapitull i ri drejt sukseseve.

“Me këtë përzgjedhje të kryesisë, anëtarëve e bordin shoh një perspektivë të madhe për vetë Federatën e poashtu edhe për çdo klub të Karatesë së Kosovës. Të gjithë janë njerëz të dëshmuar dhe së bashku me projektet e reja të cilat do ti formojmë, shpresoj se sporti i karatesë do të udhëton drejt binarëve të duhur si në sportin vendor poashtu dhe ndërkombëtare”, thekson nënkryetari i FKK-së, Shkëlzen Balaj.

Nënkryetari i ri Balaj, ka njoftuar se për të gjitha klubet e Kosovës kjo kryesi do të jetë një adresë për të mirën e çdo klubi e karateisti. “Adresa e vetme e çdo klubi është Federata, e cila për çdo kërkesë nga karateisti apo klubi do të jetë në shërbim të tyre, ndërsa ky vit i ri për karatenë e Kosovës uroj të jetë një vit i sukseseve, ku së bashku do t’ju gëzohemi sukseseve të çdo karateisti e klubi”.

Siç ka njoftuar nënkryetari i FKK, Shkëlzen Balaj, i cili njeherit është edhe trajner i KK “Agim Ramadani”, në fillim të muajit Maj, KK “Agim Ramadani”, do të jetë nikoqirë i turneut të madh të karatesë ku pritet të jenë rreth 700 karateistë./rajonipress/