Trajneri Afrim Tovërlani “Toki” i pa konkurrencë në futbollin e Kosovës

Ish-futbollisti i gjeneratës së artë të Prishtinës, Afrim Tovërlani “Toki”, i cili ka pasur një karrierë të shkëlqyer si futbollist, e ka dëshmuar vetën edhe si trajner. “Toki” pa diskutim nga viti 1999-2000 kur filloi kampionati i pasluftës gjerë më tani është trajneri më i suksesshëm në futbollin e Kosovës.

Tovërlani me skuadrën nga kryeqendra Prishtina, ka arritur tri herë të fiton titullin e kampionit 2007-2008, 2008-2009 dhe 2012 -2013, ndërsa një sukses të tillë e kishte arritur edhe në vitin 2015-2016 me skuadrën e Feronikelit.

Puna e trajnerit Tovërlani tani është shpërblyer nga FFK-së, si trajner i Kombëtares së Kosovës U-21 i cili do ti udhëheqë këto grupmosha drejt kualifikimeve për Kampionatin Evropian. “Toki” asnjëherë nuk është sillur si shumë trajner tjerë të Kosovës të cilët me një titull të fituar po bëjnë “drama” se janë më të mirët, por përkundrazi Tovërlani gjithmonë ka qenë i përmbajtur duke vazhduar punën e tij të suksesshme pa u ekspozuar por gjithnjë i përkushtuar në punë, disiplinë e suksese.