Tragjikisht humb jetën 13 vjeçari nga Përlepnica

Gjilan – Si pasojë e një ngatërrese mes nxënësve jetën e ka humbur 13 vjeçari B.K nga Përlepnica. Rastin për rajonipress e ka konfirmuar edhe Ismet Hashani.

Ka humbur jetën tragjikisht në oborrin e shkollës “Skënderbeu” në Përlepnicë B.K. i moshës 13 vjeçare, raporton rajonipress.

Ismet Hashani zëdhënës i policisë ka konfirmuar rastin për rajonipress dhe ka thënë se vdekja ka ardh si pasojë e një ngatërrese mes nxënësve. 13 vjeçari ishte fëmija i vetëm i familjes.

B.K. ishte nxënës i klasës së VIII-‘të në shkollën fillore të fshatit Përlepnicë. Edhe pse ishte dërguar në emergjencë, mjeku vetëm kishte konfirmuar vdekjen e tij.

Hashani tha se trupi i 13 vjeçarit është dërguar për obduksion dhe janë në pritje të raportit më të detajuar./rajonipress/