Tradita vazhdon, Prishtina mposht Gjilanin

Gjilan – Edhe pas 16 vite Gjilani nuk e shijojë fitoren ndaj Prishtinës, kjo skuadër në ballafaqimin e saj të javës 23-të mposht Gjilanin me rezultat 0-1 me golin e shënuar në minutën e 53-të.

Futbollistët e Gjilanit edhe një herë dëshpëruan si me lojë njëashtu edhe me rezultat duke i zhgënjyer tifozët e saj “Skifterat” këta të fundit në fund të ndeshjes në mënyra të ndryshme shprehën pakënaqësinë me paraqitjet e futbollistëve të Gjilanit.

Është për tu befasuar se si një skuadër e cila lufton për kreun e tabelës së klasifikimit për gjatë 90 minutave nuk ka arrit në asnjë moment të rrezikon portën e portierit të Prishtinës Visar Bekaj.

Futbollistët e Prishtinës në minutën e 15-të rrezikuan nëpërmjet këmbëshpejtit Kreshnik Lushtaku i cili nga 35 metra gjuan por portieri i Gjilanit Donat Kaciu me mund të madhë dëbon topin jashtë vijës fundore.

Futbollistët e Gjilanit vetëm në minutën e 28-të nga një gjysmë rast tentojnë nëpërmjet Alban Rexhepit
të rrezikojnë, por gjuajtja e tij nga 14 metra përfundon mbi portën e portierit mysafir Bekaj.

Mysafirët me plotë meritë arrinë në epërsi në minutën e 54-të, Lorik Boshnjaku me një gjuajtje precize nga 25 metra gjen këndin e poshtëm të majtë të portës së Gjilanit.

Alban Rexhepi i Gjilanit në minutën e 74-të nga 13 metra ngatërrohet me top duke përfunduar gjuajtja e tij mbi portën mysafire.

Futbollistët e Prishtinës shumë lehtë kanë mundur të ngrisin epërsinë në minutën e 90-të Lushtaku ishte ai i cili nga 16 metra godet horizontalen e Gjilanit.

Trajneri i Gjilanit Bylbyl Sokoli pas ndeshjes deklaroi:”Patëm shumë gabime asnjë repart nuk funksionoi luajtëm lojë të dobët dhe mysafirët na dënuan”./sylejman ismajli/rajonipress/

Stadiumi i qytetit në Gjilan .
Shikues- rreth 1700
Kartona të verdhë- Kastrati (Gj), Kukaj, Osmani (P).
Gjyqtar- Shala, Preniqi, Berisha, Cerraviku.

GJILANI- Kaciu, Kastrati, Hasani,(Maliqi), Jamal, Hyseni, Mustafa(Shaqiri), Kera, Shabani, Salihu, Rexhepi,
Rusi(Shala).

PRISHTINA- Bekaj, Thaqi, Dumani (islami), Milloviq, Kukaj, Boshnjaku, Krasniqi, Osmani, Lushtaku,
Begolli(Gauther), L.Osmani (Khalid).