Torino e Bashës e fortë për Lazion e Canës, Hetemaj titullar

Torino është skuadra e radhës që i ka shkaktuar humbje Lazios. Torino të dielën në shtëpi të vet ka mundur Lazion me rezultat minimal 1-0, në kuadër të xhiros së 15-të të Serisë A.

Në radhët e Torino titullar ishte Migjen Basha, i cili u ‘zverdh’ në këtë ndeshje, derisa tek “lacialët” titullar i padiskutueshëm ishte edhe Lorik Cana, kurse portieri Etrit Berisha i “bardh e kaltërve” të Italisë qëndroi në bankinë. Golin e fitores për Torinon e shënoi Glik (19).

Fitore në këtë xhiro ka shënuar edhe Chievo e Përparim Hetmajt që mundi në udhëtim Sassuolo me rezultat 0-1, me golin që e realizoi Thereau (55).

Në radhët e Chievos ndeshjen nga fillimi e nisi edhe Hetemaj, i cili tashmë është një nga futbollistët e rëndësishëm tek kjo skuadër.

Seria A / Xhiroja e 15-të

Rezultatet

Cagliari-Genoa 2-0

Hellas Verona-Atalanta 2-1

Sampdoria-Catania 2-0

Sassuolo-Chievo 0-1

Torino-Lazio 1-0

Roma-Fiorentina 2-1

Dje

Livorno-AC Milan 2-2

Napoli-Udinese 3-3

Bologna-Juventus 0-2./express/