Tika Ivezaj, shqiptarja më magjepsëse në botën e modelimit

Revista e njohur e modës “Brosome”, e ka nisur mjaft mirë një fjali rreth një modelje shqiptare. Bëhet fjalë për bukuroshen Tika Ivezaj. “Jo çdo ditë mund të shohim bukuroshe super-seksi që vijnë nga vend që të lë pa frymë, siç është Shqipëria”, është kjo fjalia me të cilën kjo revistë e përshkruan bukuroshen shqiptare, edhe pse ajo ka lindur në Mal të Zi, transmeton Zeri.info.

Dhe kjo revistë vazhdon tutje me përshkrimin e saj. “Bukuroshet si Tika Ivezaj, thjeshtë duken magjepsëse dhe super-seksi kudo që paraqiten. Sytë e saj bojë kafe, janë si një labirint. Sapo t’i shikosh sytë e saj, do të humbasësh përnjëherë dhe nuk do të kujtohet se çfarë ishe duke bërë. Por kjo as që ka rëndësi, pasi ta kesh përpara një bukuroshe të këtillë, është e mjaftueshme dhe ia vlen t’i lësh gjërat tjera të presin”, shkruan më tutje kjo revistë, për të shtuar se është mëkat që një bukuroshe e këtillë është e nënvlerësuar dhe nuk e ka vendin që e meriton në botën e modës, pasi padyshim se është njëra nga modelet më të bukura dhe më seksi në botë.

Suksesin më të madh në fushën e modës, Tika e ka arritur duke u plasuar në finalen e garës për modele të reja e organizuar nga shtëpia e famshme e modës “Victoria’s Secret. Ajo ishte në mesin e top dhjetë finalisteve të garës “Runway Angel”, e zgjedhur në mesin e 20 mijë garuesve.

Tika ka lindur në Mal të Zi në vitin 1986, por tashmë disa vite jeton në Detroit./ZERI