Tifozin e veçantë të Dritës “Evi” nuk e pengon as bora, e as shiu

Tifozët e flakët e skuadrave të futbollit asnjëherë nuk i pengon asgjë pa marrë parasysh kushtet klimatike.

Njëri ndër tifozët e veçantë që ka Drita padyshim është Abdulla Berisha-Evi, i cili asnjëherë nuk mungon në paraqitjet e Dritës edhe pse është me gjendje të kufizuar shëndetësore.

Sot në ndeshjen Drita-Drenica edhe pse kishte shi e dëborë dhe ishin temperaturat e ftohta për “Evin” ishte një ditë e zakonshme, ai me karrocën e tij të invalidit kishte hipur në katin e dytë të ndërtesës e cila gjendet në stadiumin e qytetit në Gjilan.

Evi ishte shumë i kënaqur për përformancën e “bardhekaltërve” të Dritës, ku mposhtën Drenicën me rezultat 4-1.

Abdulla Berisha-Evi, nuk ndiente aspak ftoftë përkundrazi ai ishte shumë i kënaqur që ishte pjesë e kësaj ndeshje.

Evi tha se Drita është zemra ime, ata kur fitojnë jam shumë i lumtur por kur humbin dëshpërohem shumë por ata janë jeta ime./rajonipress/