Tifozët e Terek Groznyt shpërblejnë Balajn

Bekim Balaj është përzgjedhur lojtari i muajit tetor te skuadra e Terek Grozny duke marrë vlerësime maksimale për tre ndeshje.

Bekim Balaj ishte i papërmbajtshëm gjatë muajit tetor. Sulmuesi shqiptar shënoi 4 gola, në katër ndeshje me Terek Grozny.

Balaj nuk mundi të festonte vetëm në takimin me Anzhi që u mbyll 0:0. Kjo paraqitje bëri që tifozët ta përzgjedhin si më të mirin e muajit tetor.

Ai është kthyer në një yll për ekipin çeçen që po përpiqet të kualifikohet në garat ndërkombëtare. Bekim Balaj është një lojtar titullar te Terek ku deri më tani ka shënuar 6 gola.

Balaj u transferua në kampionatin rus këtë verë, duke nisur një përvojë të re. Së bashku me të te Terek Grozny është edhe Odise Roshi, i cili kohët e fundit, i cili në fitoren 3 – 1 me Rubin Kazan realizoi edhe golin e parë në Rusi.