Tifozët dhe femrat e duan Xherdan Shaqirin

Munih – Që nga vera, Xherdan Shaqiri luan për Bayern Munchenin dhe tashmë është bërë i preferuari i turmës.

“Unë ndoshta për ata jam vetëm simpatik”, i përgjigjet ylli i futbollit pyetjes se si arrin t’i bëjë për vete tifozët.

Motoja e Shaqirit është modestia. “Pjesa më e madhe e tifozëve më duan, pasi unë u jap të gjithëve autografe, derisa të gjithë kanë siguruar një autograf prej meje”, ka thënë Shaqiri për “aargauerzeitung.ch”. “Tifozët vijnë nga të gjitha vendet për të na përcjellë në stërvitje. Do të ishte e gabuar po të refuzoja për t’u dhënë autografe. Dua të mbetem i thjeshtë”.

21-vjeçari është i dashur edhe për gjininë femërore. Këtë Shaqiri më së miri e ka konfirmuar në një lokal të Muenchenit. Mirëpo, ai ka thënë se ende është beqar dhe nuk ka menduar ende për një lidhje. Shaqiri insiston se nuk ka rëndësi origjina e së dashurës së tij.

“Së fundi kur isha në një lokal, më erdhi një kamerier me një copë letër që ma dorëzoi dhe në të ishte i shkruar numri i telefonit i një femre. Nuk është vështirë të gjesh femër nëse je futbollist, por duhet ditur nëse ato me të vërtetë e duan Xherdan Shaqirin”, u shpreh Shaqiri. “Prejardhja e saj nuk është me rëndësi. Mirëpo, ajo duhet ta dojë edhe familjen time, sepse unë jam shumë i lidhur me familjen dhe pa miratimin e saj nuk bëjë asgjë. Me një fjalë, jam njeri familjar”.