”Thimi Mitko” edhe një herë kampione në Olimpiadën e Kimisë

Gjilan – Të shtunën janë shpallur rezultatet e olimpiadës së kimisë në nivel kombëtar të organizuara nga kolegji Mehmet Akif në bashkëpunim me MASHT-in. Sipas rezultateve të shpallura, dhe në ceremoninë e ndarjes së shpërblimeve, kampione e kësaj olimpiade shpallet Elsa Kçiku nxënëse e klasës Vlll-të të SHFMU “Thimi Mitko”.

Po ashtu vendin e lll-të në këtë olimpiadë e zë nxënësja e kësaj shkolle Andolena Veseli e cila së bashku me Elsa Kçikun fitojnë bursën 100%.

Po ashtu vlen të theksohet se në mes të 15 nxënësve më të mire të kësaj olimpiade të cilët fitojnë edhe bursa, shkolla Thimi Mitko i fiton 5 vende siç janë edhe Esra Ajeti, Rrezarta Ramadani dhe Melike Shaqiri dhe ky mund të konsiderohet si një rezultat i jashtëzakonshëm.

Kujtojmë se SHFMU ”Thimi Mitko” me drejtoreshën Sevdije Sadiku po arrijnë rezultate të larta edhe në fushat tjera.

Kurse, sa i përket lëndës së kimisë, kjo shkollë mbanë primatin në nivel të Kosovës, dhe kjo mund të konsiderohet dhe vlerësohet si meritë edhe e profesoreshës së kimisë pranë kësaj shkolle Merlinda Daku.

Profesoresha Daku suksese të mëdha ka arritur edhe vitet e kaluara duke arritur që nxënësit e saj vazhdimisht të arrijnë së paku një nga tri vendet e para të këtyre garave kombëtare./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).