Thërret Gjilani – oj dada Kulturë

Thërret Gjilani – oj dada Kulturë, Pse te unë, nuk po vjen kurrë ?! Pse s’po vjen me hekë zahmet – Për të bërë pak muhabet ?!

Dada Kulturë , pashë atë magji –
A i ke njohtë krijuesit e mi ?
Dada Kulturë , të rrofshin thembrat –
A m’ua di krijuesve emrat ?

Dada Kulturë , të rrofshin vet’llat –
A m’ua di krijuesve veprat ?
Dada Kulturë , pashë kolltuk butin –
A ua di dhe kontributin ?

Dada Kulturë, në ma paç hatrin –
A e di kush e themeloi Tetarin ?
Dada Kulturë , pashë sihariqin –
A ke ndie për Muharrem Shahiqin ?

Dada Kulturë , pashë atë këmishën –
A ke ndie për Zija Berishën ?
Dada Kulturë, pashë kalanicën –
A ke ndie për Ali Huruglicën ?

Dada Kulturë , pashë atë bilbilin –
A ke ndie për Zejnullah Halilin ?
Dada Kulturë , pashë atë qiriun –
A ke ndie për Beqir Musliun ?

Dada Kulturë , pashë atë zanën –
A ke ndie për Alush Canën ?
Dada Kulturë, pashë gjel kokoshin –
A ke ndie për Selman Vokshin ?

Dada Kulturë , pashë atë djalin –
A ke ndie për Xhevat Ismajlin ?
Dada Kulturë , pashë atë triumfin –
A ke ndie për Arif Isufin ?

Dada Kulturë , pashë atë këlliçin –
A ke ndie për Skënder Maliqin ?
Dada Kulturë, pashë këto bregore –
A ke ndie për trashëgiminë kulturore ?

Dada Kulturë, pashë bjeshkët me borë –
A ke ndie për folklor burimorë ?
Për thesaret n’ trashëgim –
A e ke bërë ndonjë botim ?!

Gjilan, më 24.06.2014. Demir Krasniqi