Theret pesë herë me thikë gjilanasi, policia arreston të dyshuarin

Gjilan – Policia e Kosovës e ka pranuar një informatë për një rast “lëndim i rëndë trupor”, ku deri te incidenti besohet të ketë ardhur, derisa viktima F. G. ishte duke punuar në dyqanin e tij në Rr.”Vëllezërit Frashëri” në Gjilan, aty kishte shkuar me veturën e tij taksi, i dyshuari N. S.

Viktima i kërkon të dyshuarit që të futet në automjet dhe të largohet, ndërsa i dyshuari me preteksin se para katër (4) ditësh kishin pasur një mosmarrëveshje dhe kërkonte llogari për atë mosmarrëveshje.

I dyshuari nuk bindet të largohet dhe përkundër kësaj fillon ta sulmoj viktimën me thikë duke i shkaktuar plagë në 5 (pesë) vende të ndryshme nëpër trup, ndërsa plagën më të rëndë e merr në krahun e majtë.

I dyshimti është arrestuar nga policia dhe me vendim të prokurorit të shtetit ndalet në mbajtje për 48 orë kurse rasti shkon në Gjykatë ka njoftuar Ismet Hashani./rajonipress/