Themeli i Amerikës në Kosovë

Pas 16 viteve të pranisë në Kosovë, të martën ka nisur ndërtimi i objektit të Ambasadës së Shteteve të Bashkuara të Amerikës në Prishtinë, projekt i cili pritet të përfundojë pas dy viteve.

Ky projekt modern do të realizohet brenda një hapësire prej pesë hektarësh në Lagjen “Arbëria” në Prishtinë, e cila i është dhënë në shfrytëzim Ambasadës për 99 vjet.

Gurthemelin e “Shtëpisë së re Amerikane” e vunë pikërisht krerët e shtetit të Kosovës. Për projektin dhe faktin sesi do të duket Ambasada amerikane, “flisnin” fotot e vendosura me rastin e vënies së gurthemelit të ndërtesës, ku morën pjesë edhe presidentja dhe kryeministri i Kosovës.

Ambasadorja amerikane në Prishtinë, Tracey Ann Jacobson, solli në vëmendje faktin se diplomatët amerikanë ishin të vendosur në Prishtinë qysh në vitet e 90-ta./zeri/