The Telegraph: Liverpooli nis bisedimet me Stoke për Xherdan Shaqirin

Liverpooli i ka nisur bisedimet me Stoke Cityn për transferimin e Xherdan Shaqirit, përfaqësuesit kosovar të Zvicrës.

Jurgen Klopp po bën përpjekje për ta transferuar Shaqirin dhe dëshiron t’ia aktivizojë klauzolën e lirimit, e cila thuhet se kap shifrën rreth 15 milionë euro, shumë që vlerësohet e ulet për një lojtar me cilësi të larta si shqiptari nga Kosova, transmeton Gazeta Express.

Klopp tashmë e ka përforcuar skuadrën me mesfushorin brazilian Fabinho nga Monaco dhe tani vëmendjen e ka kthyer kah Shaqiri, i cili do të lejohet të largohet nga Stoke pasi rënies nga Premierliga.

Mesfushori atakues ka lënë të kuptohet javën e kaluar se shumë shpejt do ta zbulojë klubin e ri dhe Liverpooli është duke biseduar me Stoke për të arritur marrëveshje për të, bëjnë të ditur burime të The Telegraph, përcjell Express.

Shaqiri ka klauzolë lirimi, por detajet e sakta nuk dihen në këtë fazë, edhe pse besohet se çmimi i tij do të jetë më i lartë se 15 milionë euro.

Për Shaqirin Kupa e Botës mbaroi javën e kaluar pasi Suedia e eliminoi Zvicrën nga ky turne. /Gazeta Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).