Thaqi: Nesër vendosin detajet

/ 2 minuta lexim

Xhiroja e 24-të sjell derbin në mes Ballkanit dhe Dritës. Në konferencën për media para takimit kundër Ballkanit, kryetrajneri i Dritës, Arsim Thaqi, deklaroi se nesër do të takohen dy skuadrat më cilësore.

“Ndeshjet kur ekipet janë cilësore, të nivelizuara ndeshjen e vendosin detajet. Ne kemi marrë masat me ekipin kemi punu në atë drejtim, që mos t’ia lëmë rastit dhe eventualisht t’i shfrytëzojmë rastet e mira që na krijohen dhe ta arrijmë fitore që do të na kthente në pozitën e parë. Nuk është ndeshje e lehtë, sepse edhe Ballkani ka bërë ndeshje të mira, kemi përafërsisht cilësitë e barabarta dhe duhet të kemi edhe durimin e duhur që të vendosim ndeshjen nga një moment i caktuar”, theksoi Thaqi.

Uji Dea

Sa i përket formës së lojtarëve dhe ekipit në përgjithësi, sulmuesi Marko Simonovski nuk është i gatshëm për këtë ndeshje. “Në qoftë se te skuadrat tjera është një futbollist që shënon, Drita ka lojtarë në fazën e sulmit që shënojnë qoftë Selmani, Baftiu, Ajzeraj, Kryeziu apo Arditi. Janë një grup i lojtarëve me cilësi ofanzive, kanë cilësi individuale të jashtëzakonshme mirëpo lojtari që krijon hapësirë dhe që janë mësu me lujt me të është Simonovski dhe mungesa e tij po shkakton konfuzion. Do ta kemi durimin deri në rikuperim dhe momentin që kthehet do ta kemi më të qartë repartin e sulmit”, potencoi Thaqi.

Trajneri i Dritës foli pak edhe për ndeshjen e derbit lokal që vjen xhiros tjetër, për çka tha se jemi të fokusuar te ndeshja e nesërme. “Lojtarët e Dritës janë mësuar me ndeshje derbi qoftë për t’u bërë kampion, dal në Evropë apo edhe derbi lokalë. Kanë eksperiencën e duhur, cilësinë e mjaftueshme dhe dijnë t’i menaxhojnë qoftë emocionet qoftë pjesën profesionale. Ne jemi të fokusuar te ndeshja e nesërme, pastaj sigurisht edhe te derbi”, përfundoi Thaqi. Ndeshja në mes Ballkanit dhe Dritës zhvillohet nesër (e enjte) në Suharekë, duke filluar nga ora 13:00.